Welkom
Platinum Promosies verteenwoordig Suid-Afrika se gunsteling kunstenaars in die Afrikaanse musiekbedryf.
Platinum Promosies is die eksklusiewe agentskap vir
Aidan Kade se eerste enkelsnit “Paaie X” (lees Paaie Kruis) het luisteraars op ‘n reis deur die verlange na ‘n spesiale persoon om lief te hê geneem. In 2025 kleur Aidan die prentjie mooier in met “Kleurblind” wat ‘n samesmelting van genres is van Alt-Rock en Kamer-pop en Aidan se veelsydige stem na vore bring wat jou voete sal laat jeuk.
Barto is nie meer ‘n onbekende naam in die Afrikaanse musiekbedryf nie. Vandag sy debuut-enkelsnit “H2Oë” een van die grootste (nou Platinum) treffers geword het, reis Barto die land vol met vertonings. Opvolg-treffers soos “Vlam In Die Wind”, “Impulsief”, “Besonder”, “Liefde Koop Nie Brood Nie” en album “Oase” word nou kliphard woord-vir-woord deur derduisende aanhangers gesing en geniet.
Brendan Peyper is ‘n Suid-Afrikaanse Afrikaanse sanger wat groot naam gemaak het met sy eerste treffer “Stop, Wag, Bly nog ‘n Bietjie. Daarna volg ‘n rits Goue- en Dubbel Platinum treffers soos “Meisies Soos Jy”, “Toer Om Die Vloer”, “Moegdans”, “Madelein” en “Kyk” terwyl Brendan die land vol toer met volgepakte vertonings om sy musiek met sy getroue aanhangers te deel.
Christia Visser is bekende aktrise in Suid-Afrika en welbekend vir haar rolle in “Tess”, “Recce”, “Ballade vir ‘n Enkeling”, “Die Boekklub”, “Fynskrif” en vele meer. In 2019 betree sy die musiekbedryf met ‘n storm en stel haar Goue Status-treffer “17 Shots” bekend en 2021 haar eerste volledige album “Gemaklik Verlore”. “Ek Sal As Jy Sal” volg as haar nuutste enkelsnit wat nou nog warm geluister word.
Daniël is ‘n avontuurlustige jong man van die Paarl wat onlangs sy graad in Sielkunde behaal het. Wanneer hy nie saam met sy Pa die wêreld verken nie, sal hom vind in sy Hilux waar hy op sy gemaklikste voel, met ‘n pen en kitaar in die hand. Met sy unieke tenoor en diep stem betree hy die musiekbedryf met sy eerste enkelsnit “Liela”.
Jan Jan Jan het aan die einde van 2019 naam gemaak met hulle stywe broekies, tweekleur hemde en eerste enkelsnit genaamd, ‘Wys jou Vleis’. Saam met Jan Jan Jan het jy al vleis gewys, mielies gegooi en Boer gebly en dit is duidelik dat daar geen keer is aan hierdie groep soos wat een na die ander video etlike miljoen kyke inpalm nie!
Kurt Johan van Heerden, beter bekend as Kurt Darren, is ‘n Suid-Afrikaanse sanger, liedjieskrywer en televisieaanbieder. Van sy treffers sluit in “Meisie Meisie”, “Voorwaarts Mars”, “Hemel op Tafelberg”, “Kaptein” en vele meer. Hy het ook in verskeie Suid-Afrikaanse rolprente verskyn. Sy nuutste enkelsnit “Hop Hop Spinnekop” het einde 2024, begin 2025 een van die land se grootste treffers geword onder luisteraars.
Tamlyn Wessels het ‘n siekte (Guillain Barré sindroom) wat haar verlam gelaat het oorwin en nou jaag sy haar musiekdrome na. Sy span kragte saam met Select Musiek en haar eerste enkelsnit “Klein Bietjie” maak groot golwe regoor Suid-Afrika en behaal ook die Nr 1 posisie op Apple Music binne enkele dae. Haar tweede enkelsnit “Lui Voete” volg kort daarna en Tamlyn word meer en meer ‘n gunsteling onder musiekliefhebbers. Kyk maar uit, daar is nog baie op pad van Tamlyn Wessels.
Tuimeltrein, die dinamiese nuwe duo (Christian Venter en Marice de Jager), gaan opslae maak met hul debuut-enkelsnit, ‘Grondboodjiebotter’ wat nou beskikbaar is. Hierdie song beloof om harte vas te vang en vreugde oor stroomdienste te smeer. Van TikTok-eksperiment tot volwaardige eindproduk, nooi Tuimeltrein luisteraars om op hul musikale rollercoaster te spring.
Vars uit die Vrystaat, maak Wentzel, ‘n regte egte plaasboer sy verskyning in die musiekbedryf met sy nuutste enkelsnit “Juffrou Riekie Louw”. Wentzel boer net buite Winburg en geniet die plaaslewe, veral omdat hy met diere kan werk en omdat hy tyd saam met sy familie kan spandeer. Na die sukses van “Juffrou Riekie Louw” volg treffers soos “Meisie Wat Kan Vasdans” en “Annabel”. Nou kan jy die klanke van sy nuutste enkelsnit “Help ‘n Bietjie” kliphard geniet.
Kontak Ons
CARMEN KLEINHANS
carmen@platinumpromosies.co.za
Sel: +27(0)83 325 7922
Faks: +27(0)86 619 5890
Skakels
Kies Musiek (is ook bekend as hul Engelse naam Select Music) is op 1 Oktober 1987 gestig en is die grootste verspreider van plaaslike musiek vir ander etikette soos Hoezit Musiek, Springproduksies, Laurika Rauch Produksies en Europa Afrika.
Sony Music is een van die voorste handelsmerke in musiekproduksie en ‘n reus in die bedryf. Dit is ‘n internasionale handelsmerk wat die sukses van baie bekende kunstenaars en musikante regoor die wêreld moontlik gemaak het.
